Comptabilité de Société partie 1

اولا عندنا جوج د المجالات

Dimension economique

 المجال الاقتصادي

Dimension juridique

 المجال القانوني

في المجال الأول عندنا جوج طرق كتمكنا من تقسيم ولا تصنيف المقاولات

اول حاجة على حسب

 type de l'activité

يعني نوع النشاط لي كدير المقاولة، يعني نفرقو مابين المقاولات على حسب النشاط ديالها؛ فلاحة، صناعة، خدمات

ثاني حاجة

 Taille de l'E/se

يعني نقسم مابين المقاولات على حسب الحجم ديالها

مقاولة صغيرة متوسطة، كبيرة، كبيرة جدآ

لكن شناهوما المعايير لي كنعتامدو عليها باش نقولو صغيرة ولا كبيرة ؟ 

كاينين بزاف من أهمها : عدد العمال، رقم المعاملات أو على حسب الأرباح الصافية ديال الشركة

رقم المعاملات : Chiffres d'affaires

هادشي بالنسبة للمجال الاقتصادي

نشوفو دبا المجال القانوني

لي فيه جوج حوايج

أول حاجة لي يمكن نقسم بها المقاولات فالمجال القانوني يمكن نقولو

مقاولات عمومية 

E/se publique

مقاولات خاصة 

E/se privée 

مقاولات شبه عمومية 

E/se semi-publique

التقسيم الثاني لي هو مهم هو تقسيم المقاولات على حسب

 la forme juridique

- Société de capitaux : SA ; SCA

- Société de personnes : SNC ; SCS

- Société mixte : SARL

اش كتعني Sté de capitaux

فهاد الحالة المعيار لي كنخدمو بيه هو رأسمال، مثلا عندنا مقاولة خاصة بالفلاحة فيها شركاء، بطبيعة الحال هاد الشركاء مكيعرفوش بعضياتهم، كاين لي عندهم علاقة مع المجال الفلاحي، وكاين لي لا علاقة لهم بالمجال كيساهمو غير برأسمال، هنا لي بغا يبيع الأسهم ديالو يبيع وقت ما بغا. هادشي كامل ماشي مشكل

Sté de capitaux  يعني المهم عندنا هو رأسمال فقط

ومن أهم الأنواع لي فيها Sté Anonyme يعني شركة مجهولة

و ايلا وقع لينا مشكل ف Sté de capitaux مثلا كريدي ومقدرناش نخلصوه fournisseur غادي يتابع الشركة يعني رأسمال لي جابو الشركاء فقط ماشي الممتلكات الشخصية ديالهم.

اش كتعني Sté de personnes

هي العكس ديال Sté de capitaux فهاد الحالة الشركاء كيعرفو بعضياتهم مزيان بحال شركة بيهي وأبنائه، هنا ايلا بغا شي واحد من الشركاء يبيع النصيب ديالو من الشركة ميمكنش بحال Sté de capitaux

يبيع وقت ما بغا، لا هنا خاصو ياخد الموافقة ديال الشركاء كاملين عاد يمكن ليه يبيع.

كذلك Sté de personnes ايلا وقع فيها مشكل ديال كريدي هنا هاداك fournisseur يمكن يتابع الشركاء فالممتلكات الشخصية ديالهم

اش كتعني Sté mixte يعني شركة لي كاتاخد خاصية من sté de capitaux و خاصية اخرى من sté de personnes

كيفاش كتخدم هاد النوع من الشركات

كتاخد من Sté de capitaux خاصية انه الى وقع شي مشكل المسؤولية تتحملها الشركة يعني رأسمال فقط

وكاتاخد خاصية اخرى من Sté de personnes ان هاد الشركاء كيعرفو بعضياتهم.

هادشي علاش كتسمى Sté mixte

SA : Société Anonyme

SCA : Société en Commandite par Actions

SNC : Société en Nom Collectif

SCS : Société en Commandite Simple

SARL : Sté à responsabilité limitée